Inuussutissarsiutit aaqqissuussaanerat
2016-2020
2020-mi suliffeqarfiit 3.669-iusut 6.971
mio.kr.-inik akissarsisitsisimapput. Suliffeqarfiit
akissarsisitsisimasut ukiup siulianut sanilliullugu ikileriarsimapput, appariaat 8 pct.-iulluni 2019-imi suliffeqarfiit 3.987-iusimammata. Akissarsialiussalli
2020-mi ukiup siulianut sanilliullugu 1,8 pct.-imik
qaffariarsimapput, 2019-imi akissarsialiussat 6.847 mio.kr.-iusimammata.
Titartagaq 1-imi takuneqarsinnaapput suliffeqarfiit akissarsialiussallu 2016-imiit
2020-mut ineriartornerat.
Titartagaq
1. Suliffeqarfiit amerlassusaat akissarsialiussallu, 2016-2020
Najoqqutaq: bank.stat.gl/esd1a
Takussutissiaq 1-imi takutinneqarput
suliffeqarfiit amerlassusaat ingerlatseriaatsimut agguataarneri aammalu
akissarsialiussat ingerlatseriaatsinut pct.-inngorlugit
agguataarneri. Ingerlatseriaaseq annerpaaq tassaavoq kisimiilluni
ingerlatsiveqarneq, taakkulu 2020-mi nalunaarsorneqarsimasut 2.724-usimapput.
Tamanna ukiup siulianut naleqqiullugu 9,4 pct.-imik
appariarneruvoq, 2019-imi kisimiilluni ingerlatsiviit nalunaarsorneqarsimasut
3.006-iusimammata.
Kisimiilluni ingerlatsiveqarnermi appariarneq
annerusumik pisimavoq suliaqarfinni Aalisarneq, aalisakkanik tunisassiorneq
niuernerlu, Niuertunik pilersuineq atugassanillu nioqquteqarneq, Assartuineq
assartugassalerinerlu, Namminersortunit, ilisimatusarnikkut teknikkikkullu suliaqartunit kiffartuussinerit aammalu Piorsarsimassutsikkut,
sunngiffimmi timersornermillu kiffartuussinerit.
Aammattaaq takussutissiaq 1-imi
takuneqarsinnaavoq piginneqatigiilluni ingerlatsiviit akissarsialiussanik
akiliinerpaasartut, tassami 2020-mi akissar-sialiussat
tamakkiisut 52,1 pct-ii piginneqatigiilluni
ingerlatsivinniit akiliuti-gineqarsimapput.
Takussutissiaq
1. Suliffeqarfiit amerlassusaat ingerlatsinerup suunera malillugu aammalu
akissarsialiussat ingerlatsinerup suuneranut pct.-inngorlugit
agguataarneri, 2016-2020
|
2016 |
2017 |
2018 |
2019 |
2020 |
Ingerlatseriaaseq |
Suliffeqarfiit amerlassusaat |
||||
Kisimiilluni ingerlatsiviit ........ |
2.970 |
2.886 |
2.974 |
3.006 |
2.724 |
Piginneqatigiilluni ingerlatsiviit ... |
137 |
134 |
136 |
137 |
135 |
Ingerlatsiviit nammineq pigisat. |
355 |
362 |
351 |
365 |
365 |
Ingerlatseriaatsit allat ......... |
207 |
205 |
152 |
156 |
136 |
Aningaasaateqarfiit il.il. ........ |
173 |
172 |
163 |
178 |
166 |
Nunanit allamiunit pigineqartut .. |
31 |
83 |
57 |
53 |
61 |
Paasissutissartaqanngitsut ..... |
87 |
152 |
129 |
92 |
82 |
Katillugit .................. |
3.960 |
3.994 |
3.962 |
3.987 |
3.669 |
|
Akissarsialiussat pct.-inngorlugit |
||||
Kisimiilluni ingerlatsiviit ........ |
16,3 |
13,6 |
14,2 |
14,8 |
13,8 |
Piginneqatigiilluni ingerlatsiviit ... |
48,8 |
49,6 |
53,2 |
52,3 |
52,1 |
Ingerlatsiviit nammineq pigisat. |
16,2 |
16,4 |
16,0 |
16,4 |
15,8 |
Ingerlatseriaatsit allat ......... |
7,0 |
6,6 |
3,8 |
4,1 |
5,1 |
Aningaasaateqarfiit il.il. ........ |
9,2 |
9,9 |
9,8 |
10,0 |
9,7 |
Nunanit allamiunit pigineqartut .. |
0,7 |
2,4 |
2,3 |
1,8 |
3,0 |
Paasissutissartaqanngitsut ..... |
1,9 |
1,5 |
0,7 |
0,6 |
0,6 |
Katillugit .................. |
100,0 |
100,0 |
100,0 |
100,0 |
100,0 |
Najoqqutaq: bank.stat.gl/esd2a
Inuussutissarsiutit
aaqqissuussaanerat naatsumik
Piffissami suliffeqarfiit amerlassusaanni ineriartorneq taakkunanilu akissarsiat katinneri suliaqarfinnut, piginnittuunermut pissutsinut aammalu nunami sumiiffinnut naleqqiullugit annertussusaat saqqummersitami tamakkiisumik saqqummiunneqarpoq.
Saqqummersitami Kalaallit Nunaanni
suliffeqarfiit pisortat allaffissornikkut aqutsinerisa, illersornissap aammalu
isumaginninnermut qularnaveeqqutit avataanniittut pineqarput. Tamanna
Namminersorlutik Oqartussat piginneqatigiiffii aammalu suliffeqarfiit
iluanaarutaasunit ingerlanneqartut misissuinermi ilaanerannik isumaqarpoq,
pisortaniilli suliffeqarfiit nalinginnaasut annertunerpaartaat
ilaatinneqaratik.
Kisitsisitigut paasissutissani pingaarnertut
najoqqutarineqarput Naatsorsueqqissaartarfiup suliffeqarnermut nalunaarsuiffia
aammalu isertitanut nalunaarsuiffia Akileraartarnermut Aqutsisoqarfimmi
nalunaarsuutinik tunngaveqartunit pilersinneqarsimasut. Nalunaarsuutinik
suliaqarneq aammalu aaqqissuussaanermut tunngasut allat saqqummersitami
periaatsip immikkoortuani nassuiarneqarput, najoqqutanulli nalunaarsuutinut
annertunerusumik periaatsit nassuiaataat suliffeqarnermi kisitsisitigut
paasissutissani aammalu isertitanut kisitsisini paasissutissani saqqummersitani
kingullerni nassaarineqarsinnaapput.